აქა არს ამბავი დიაბლოსი..ჩვეუელბრივი, მაწანწალა, უპატრონო ძაღლისა, რომელსაც მოულოდნელად გაეხსნა ბედი და ახლა, როდესაც მე ამ პოსტს ვწერ, ის ალბათ ბილის ბასეინთან ნავარდობს ვირჯინია ბიჩის სანაპიროზედ…ყველაფერი კი ასე დაიწყო!
ამერიკელი საზღვაო ქვეითები ჩამოვიდნენ საქართველოში ქართული ბატალიონის ავღანეთის მისიისთვის მოსამზადებლად. განლაგდნენ ბაზაზე. როგორც ყველგან არის ხოლმე, იმ ბაზაზეც იყვნენ მაწანწალა ძაღლები, რომლებიც ყველა გამვლელს უქიცინებენ კუდებს. ეს ძაღლუკა ერთი მათგანი იყო. დაინახა თუ არა ბილი, მიუვარდა ფეხებში, აუქიცინა კუდი და წაეთამაშა. ბილსაც მოეწონა ძაღლი, მოეფერა, ერთი-ორი თბილი სიტყვა უთხრა და წავიდა..ძაღლი გაყვა. როდესაც ბილი შევიდა თავის ოთახში, ძაღლი ოთახის კარებთან დაწვა და იქ იწვა მთელი ღამე. რაოდენ გაკვირვებული იყო ბილი, როდესაც დილით ეს ძაღლუკა კარებთან დახვდა…სახელზე ბევრი არ უფიქრია, იმ დღიდან ძაღლუკას ყველა დიაბლოს ეძახდა. საყელო უყიდა, ზედ დააწერა US MARINES და Diablo, წავიდა გუდვილში და უყიდა დიდი ჩაპი, მერე ელიავაზე იყიდა ხის სახლი, წაიყვანა ვეტერინართან (დიაბლო ნაჩხუბარი იყო და ჰქონდა ჭრილობები), სადაც დაუმუშავეს ჭრილობა, დაბანეს, აცრეს..როცა დიაბლო მოიყვანეს, ვერავინ იცნო. სხვა ძაღლებსაც თითქოს ზევიდან უყურებდა, ისინი კიდე შურით სკდებოდნენ..რამდენჯერმე გაიწიეს, მაგრამ ბილისგან ქვების კასკადი და გინება მიიღს..დიაბლო ოჯახის წევრი გახდა!
საოცარი ის იყო, რომ ადამიანის ხასიათს გრძნობდა..თუ ცუდ ხასიათზე იყავი, ნერვებზე არ თამაშობდა..მოვიდოდა, მოგესალმებოდა და წავიდოდა. თუ ხედავდა, რომ კარგ ხასიათზე ხარ, მოვიდოდა და წაგეთამაშებოდა. საოცრად ჭკვიანი ძაღლი! ბრძანებები ესმოდა ორ ენაზე, ინგლისურ და ქართულ ენებს ემორჩილებოდა..დიაბლო, დაჯეკი!დაწექი!მოდი აქ! მომე თათი…დიაბლო ბაზის ლეგენდად იქცა.
იმავე ბაზაზე მსახურობდა ერთი ექიმი, ანუ დოკი, ისიც საზღვაო ქვეითი იყო, მაგრამ უმეტესობა მას ვერ იტანდა. ძირითადად ხასიათის გამო. დოკი მათ ვერაფერს ეუბნებოდა, სამაგიეროდ მთელს ჯავრს იყრიდა დიაბლოზე. ერთხელ, როდესაც ბილი გასული იყო ბაზიდან, მან გამოუძახა ვეტ.სამსახურს, რომლებსაც ევალებოდათ მაწანწალა ძაღლების დაჭერა. შემდეგ რას უშვრებოდნენ, არ ვიცი, მგონი, აძინებდნენ..დიაბლოც დაიჭირეს, მაგრამ ამ დროს გამოჩნდა ბილი და პირდაპირ მიკროავტობუსიდან, გალიიდან გამოიყვანა ძაღლი! დოკს, რა თქმა უნდა, იმ დღეს სერიოზულად მოხვდა.მას მერე ის დიაბლოს ვერაფერს აკლებდა.
დადგა ბილის წასვლის დრო. მას ბევრი არ უფიქრია..წავიდა “ზოოპლაზაში”, იყიდა დიდი გალია (ძაღლის გადასაზიდად თვითმფრინავით), გაუფორმა ყველა საბუთი და 36 სთ-ში დიაბლომ თავი ამოყო ვირჯინიაში! ბილის საცოლის სიხარულს საზღვარი არ ჰქონდა! ახლა ბილს ჰყავს 3 ძაღლი, მათ შორის დიაბლოა. ყველაზე იღბლიანი ძაღლი, რაც კი ოდესმე შემხვედრია ჩემს ცხოვრებაში!
სურათზე დიაბლო (შავი) თავის ახალ მეგობართან
ნუ მე “დამპატიჟეს”. ბრჭყალებში იმიტომ დავწერე, რომ ერთი კაცის შესვლა 60 დოლარი ღირდა. არ ვიცი სხვებისთვის როგორ იყო, მაგრამ მე გადავიხადე, მეუღლეც თან მახლდა, მოკლედ 120 დოლარში გადავვარდი 
მოკლედ, ფირმაში სადაც ვმუშაობ, რომელიღაც ჯეელს შეეშალა და ოთხშაბათს დარიცხული ხელფასი ხელმეორედ დამირიცხა, და როგორც აღმოჩნდა, არა მარტო მე, არამედ ყველას..არადა, რა კარგი ბათინკები იყიდება ამაზონზე, რა კარგი ჯინსები..
პროექტი დაიწყოს და ჩემდა თავად არ მყიდველის!იშ!აი ეგრე!
